« Tsy misy manam-pitiavana lehibe kokoa noho ny mahafoy ny ainy ho an’ny sakaizany » (Jo. 15: 13)

Ry Kristianina havana, araky ny nantitranterintsika isaky ny Alahady amin’izao ankalazantsika ny vanim-potoanan’ny Paka izao dia misy toetran’i Jesoa manokana atolotry ny Eglizy amintsika amin’ny alalan’ireo vakiteny mba hivelomantsika ny maha-Kristianina antsika. Satria ny Kristianina dia avy amin’ny teny hoe Kristy ka ireo toetran’i Jesoa asongadin’ireo tenin’Andriamanitra no hivelomantsika mandritra ny herinandro, fa indrindra hivelomantsika mandritra ny fiainantsika ka hahaizantsika mampitraotra ny finoana sy ny fiainana andavanandro mba hahatonga antsika ho Eglizy Olona velona, ho EOV MISIONERA TABERNAKLA VELONA, ho génération mpanorina eo amin’ny fiainantsika. Ho fahazavana sy fanasina tokoa isika amin’ny alalan’ny fanorenantsika izany Eglizy Olona Velona feno fahafoizana izany ka hifampitsimbina sy hifanasoa hikatsaka ny soa iombonana......[........]

Tsindrio eto hihaino ny toriteny

« Izaho no foto-boaloboka ary ianareo no sampany. Izay mitoetra ao amiko sy itoerako no mamoa be » (Jo. 15: 5)

Ry Kristianina havana, amin’izao Paka izao, araky ny efa voalazantsika dia mampisongadina ny toetran’i Jesoa anankiray ireo vakiteny atolotry ny Eglizy isaky ny Alahady. Tamin’ny Alahady lasa teo dia i Jesoa Mpiandry Ondry Tsara no nankalazaintsika, tamin’ny Alahady fahatelo dia I Jesoa Mpiara-belona amintsika, ny Alahady faharoa dia I Jesoa Endriky ny Famindram-pon’Andriamanitra eo anivontsika, ny Alahadin’ny Paka kosa dia I Jesoa Aina Vaovao.
Amin’izao Alahady fahadimy amin’ny Paka izao dia I Jesoa Foto-boaloboka, I Jesoa Voaloboka marimarina kokoa ary isika no rantsany. Io no asongadin’ny vakiteny androany. Isika no rantsana, sampana mitoetra sy mifikitra Aminy. Tsy mila ambara fa sedra niainantsika tamin’ny herinandro masina teo iny tamin’ny fandalovan’ny siklaonina na rivo-doza iny dia manosika antsika hitoetra ao amin’I Jesoa raha tsy izany zary sampana maina ary maty isika......[......]

Tsindrio eto hihaino ny toriteny

“Izaho no mpiandry ondry tsara, sady mahalala ny ahy Aho no fantatry ny Ahy” (Lk 24, 35-48)

Ry Kristianina havana, mbola ao anatin’ny fankalazana ny Paka tanteraka isika ary raha mahatsikaritra isika, mba hivelomantsika izany hafaliana lavorary vokatry ny fiadanana atolotry ny Paka amintsika izany ka hitoerantsika ao amin’i Jesoa sy hitoeran’i Jesoa tafatsangan-ko velona ao amintsika, dia atolotry ny Eglizy isaky ny Alahady ny toetran’i Jesoa ho fankaherezana antsika hiroso lalindalina kokoa eo anivon’ny fiainana hizarana ny hafalian’ny Paka. Efa nampahatsiahivintsika teto io tamin’ny Alahady lasa. Alahadin’ny Paka mibanjina an’I Jesoa Mpampihavana nandresy ny ratsy rehetra, nitsangan-ko velona. Izy no Aina velona amintsika zanak’Andriamanitra ka mahatonga antsika ho EOV Mpampihavana ka mihavana amin’ny zavaboary, mihavana amintsika samy isika, mihavana amin’Andriamanitra. Alahady faha-2, I Jesoa Famindrampon’Andriamanitra velona ka maniraka antsika mizara ny famindram-po sy fifamelan-keloka satria raha te hanorina fihavanana sy mitady fiadanana ianao, hoy ny Papa François, dia aoka hamafy sy hamboly famindram-po sy fifamelan-keloka. Alahady faha-3, Jesoa miara-belona amintsika mizara ny manta sy ny masaka. Tsy matoatoa sanatria, tsy lolo sanatria i Jesoa nitsangan-ko velona fa olona velona miaraka misakafo amintsika satria nanaiky ho Olo Araiky amintsika ary izay iray vatsy iray aina. Alahady faha-4.......[.......]

Tsindrio eto hihaino ny toriteny

« Araka ny voasoratra, dia tsy maintsy hijaly i Kristy sy hitsangan-ko velona amin’ny andro fahatelo » (Lk. 24: 46)

Ry Kristianina havana, tamin’ny Alahady lasa isika dia nibanjina ny vokatry ny Paka, ny famindram-pon’Andriamanitra. Miara-belona amintsika i Jesoa Kristy izay nizara ny fiadanana vokatry ny famindram-pon’Andriamanitra.
Tsara ny manamarika fa isaky ny alahady dia misy toetran’Andriamanitra tian’ny Eglizy asongadina mba hanampy antsika ivelomana bebe kokoa ny Paka hahatonga antsika hivelona ny batemy ka zary Tabernakla velona mamafy fiadanana, fihavanana, fanentanana. Tamin’ny Alahady lasa dia ny FAMINDRAM-PO no banjinintsika. Amin’izao Alahady izao Andriamanitra MIARA-BELONA AMINTSIKA MIZARA NY MANTA SY NY MASAKA. Andriamanitra te-hihavana amin’ny olombelona tokoa mba hahatonga olombelona ho fianakaviana iray ao Aminy, Fratelli Tutti, ho Olo Araiky Aminy. Io no tian’ny lohahevitry ny Kongresy Eokaristika Nasiônaly Ken 2024 raha milaza izy : FIHAVANANA HANASITRANA AN’IZAO TONTOLO… MPIRAY TAMPO IANAREO JIABY.......[.......]

Tsindrio eto hihaino ny toriteny

« Ho aminareo anie ny fiadanana ! Tahaka ny nanirahan’ny Raiko Ahy no anirahako anareo koa » (Jo. 20: 21)

Ry Kristianina havana, nandresy ny ratsy rehetra i Jesoa ary ny fahafatesana no faran-tampon’ny ratsy. Eo anivontsika anefa i Jesoa nandresy fa tsy hoe lavitra antsika, miara-miaina amintsika Izy ary indrindra mitondra ny ainy izay aim-baovaon’ny Paka ho antsika. Eo anivontsika I Jesoa Fihavanana Mpampihavana ka izay fihavanana izay tokoa no hanasitrana antsika. Tena ao anatin’ny fiomanana, fivelomana akaiky dia akaiky ny KONGRESY EOKARISTIKA NASIONALY TOKOA ISIKA (KEN 2024). Miaiky isika fa tsy mora izany satria tsy maty voalavo an-kibo ilay ratsy ka mitady izay hanakorontana mandrakariva, hanapotika ny fihavanana. Nandresy I Jesoa ka matoky isika miaraka Aminy fa handresy koa.
Izany no tian’ireo vakiteny aroson’ny Eglizy amin’izao Alahady faharoa fankalazana ny Paka izao. Alahadin’ny famindrampo araka ny efa fantatsika.....[.......]

Tsindrio eto hihaino ny toriteny