NY OLOMBELONA REHETRA NO KENDREN’ANDRIAMANITRA HIDITRA AO AMIN’NY FANJAKANY

Ry Kristianina havana, raha nibanjina an'i Masina Maria nampakarina amim-boninahitra vatana sy fanahy any an-danitra isika tamin'ny 15 aogositra lasa teo ary dia faly sy ravo satria nisy havantsika tafita. Izany koa ny miandry antsika raha miombona amin'Andriamanitra isika, raha matoky Azy na dia nisamboaravoara ny ranomasim-piainantsika, raha mivelona tahaka ny niveloman'i Masina Maria ny finoana ary izy no ohatra voalohany ho antsika amin'ny fiombonam-po tanteraka amin'i Kristy ary farany Izy mivavaka ho antsika mba ho tafita koa isika….....[....]

Tsindrio eto  hihaino ny toriteny

MASINA NAMPAKARINA VATANA SY FANAHY ANY AN-DANITRA

Ry Kristianina havana, tamin’ny Alahady tsotra faha-19 mandavantaona dia nolazaintsika fa miara-dalana amintsika ny Andriamanitsika satria tsy Andriamanitra lavitra ny Andriamanitsika ary ny irina dia hahatafita antsika. Mila matoky azy anefa isika fa tsy hatoky tena. Io ny fampianarana entin’ny tantaran’I Piera. Raha vao mihevitra I Piera fa mahavita tena mipoerapoera dia rendrika fa raha miantso an’I Jesoa izy dia toloran’I Jesoa tanana dia miarina indray mandeha mamakivaky ny ranomasina.....[...]

Tsindrio eto hihaino ny toriteny

MAMPATOKY NY MANATONA AN’I JESOA MPAMONJY

 
Ry Kristianina havana, tamin'ny Alahady lasa teo dia nibanjina famantarana maneho fa eo anivontsika Andriamanitra ary Andriamanitra mangoraka satria sady nanasitrana izy no nampianatra ary nome sakafo izany hoe Andriamanitra mpamelona tokoa no Andriamanitsika…. Rentsika teo koa fa namonjy niampita ny ilan’ny rano… Tandindona lehibe izany. Tian’I Jesoa isika hiala miaraka Aminy hiampita amin’ny fiainana vaovao. Izany no irintsika amin’izao Sinaody izao ka ho tafita tokoa isika eto anivon’ny diosezy mametraka rafitra ahafahantsika mivelona ny finoana.......[.........]

Tsindrio eto hihaino ny toriteny

TSY ANDRIAMANITRA LAVITRA NY ANDRIAMITSIKA... FA ANDRIAMANITRA MIARA-DALANA MANGORAKA KA MAMELONA
NA ARA-PANAHY NA ARA-BATANA NA ARA-TSAINA

Ry Kristianina havana miatrika krizy isika ary maro ny very fanahy mbola velona. Niatrika izany nkoa ny vahoakan’Andriamanitra satria voa sesitany tany Babilonia. Tamin’ny fotoana sarotra indrindra no nirahin’Andriamanitra an’i Izaia Mpaminany hankahery an’Israely. Mila Mpaminany tahaka an’Izaia izao androntsika izao ary tsy iza fa isika vita batemy. Isika no Kristy Mpiarabelona amin’izao andro izao hitondra aina ho an’ireo manodidina antsika. Anjarantsika vita batemy no manampy ny olona hiverina hanatona an’ny Tompo....[.......]

Tsindrio eto hihaino ny toriteny

I JESOA ILAY VATOSOA SAROBIDY

Ry Kristianina havana, ny fivelomantsika ny maha-vavolombelona antsika eo anivon'ny fiaraha- monina ka mahatonga antsika ho Kristy mpiara-belona amin'ireo manodidina antsika dia mitaky safidy matotra ary mitaky fahendrena izay tsy arak'izao tontolo izao fa ilay fahendrena omen'Andriamanitra tsilovin'ny Fanahy masina antsika. Izany ny foto-pampianarana amin'izao Alahady faha-17 mandavantaona handalinantsika ny finoantsika izao. Nahatsapa an'izany ny Mpanjaka Salomona henontsika tamin'ny vakiteny voalohany androany fa ny faharitan-tsaina sy ny fahendrena tena izy dia tovozina ao amin'Andriamanitra fa tsy eo anivon'ny herin-tsaina na vokatry ny harena fotsiny......[......]

Tsindrio eto hihaino ny toriteny